Ginpang-reject sang 27 anyos nga Dutch model ang linibo ka mga lalaki matapos napaslawan ang mga ini nga makapasar sa iya boyfriend application quiz.
Base sa report sang New York Post, yara sa 5,000 ang mga nag-apply nga mangin boyfriend ni Vera Dijkmans paagi sa 15 ka mga pamangkot nga ginalakipan sang ila astrological sign, twitter account, full time job, kon nagaistar sila kaupod sang ila mga ginikanan, kag kon may yara sila sang kaugalingon nga salakyan.
To get to know them better, ginpamangkot man ni Vera ang mga aplikante parte sa ila specific hobbies kag interest kaangay sang kon bala nagalantaw sila sang Avatar ukon nagapamati sa The weekend, Future, Drake, kag Travis Scott.
Paagi sa boyfriend application quiz, nakakuha si Vera sag tatlo ka mga lalaki nga gin-date niya apang wala pa sia gihapon makapili sang iya mangin nobyo.
Sa karon, madamo gihapon ang naga-apply nga mangin boyfriend ni Vera nga may 5.5 million followers sa Instagram.
