Naglupok ang unahan nga gulong sang isa ka dump truck samtang nagabiyahe padulong sa siyudad sang Koronadal, rason nga nawad-an ini sang kontrol kag nabangga sa center island sa bahin sang Barangay Saravia.
Ini ang ginpahayag ni PMSGT. LEO DIMACULANGAN-TRAFFIC INVESTIGATOR KORONADAL CITY sa interview sang Bombo Radyo Koronadal suno kay DIMACULANGAN, ang dump truck nga nagaduag sang blue kag may karga sang waste materials sang natabo ang aksidente.
Bangud sang paglupok sang gulong, wala na ini napunggan sang driver ang salakyan kag nagdiretso ini sa center island, diin nadalahig man sang truck ang isa ka solar light.
Gindala dayon sa balay bululngan ang driver sang dump truck matapos ini maka-angkon sang mga pilas nga nagakinahanglan sang medikal nga atensyon.
Wala naman sang iban pa nga tawo ukon motorista nga nadamay sa aksidente.
Sa karon nagapanawagan si Dimaculangan sa mga motorista nga chekyaron gid ang salakayan ilabi na ang gulong agud malikawan ang aksidente sa dalanon.
