KORONADAL CITY – Patay ang duwa ka persona makaligad nga gin-alegar nga nagbato sa mga kapulisan sa banwa sang Polomolok sa isa ka search warrant implementation batok sa 1 ka persona nga si Emilton Abedin Ampatuan alias “Meliton Ampatuan”., 45y/o, may-asawa kag residente sang Sitio Lagwang Purok 5, Brgy.Rubber, Polomolok, South Cotabato kag ginapatihan nga mga supporter sa sang “Daesh/Da’ish Group.
Ini ang ginkumpirma ni P/Lt. Redin Cuevas , Deputy Chief for operations sang Polomolok PNP sa interview sang Bombo Radyo Koronadal.
Sandig sa imbestigsayon sang mga otoridad, nakamutik suno pa ang subject sang warrant nga Emilton Abedin Ampatuan alias “Meliton Ampatuan” kag ang kaupod sini nga ginkilala nga si Abdullah Sampulna Ampatuan , rason nga nagbato ang mga ini sa mga kapulisan nga nag resulta sa isa ka engkwentro.
Naka sustenir sang pilas sanday Emilton kag Abdullah bangud sa engkwentro kag madasig nga gindangat sa balay-bulungan apang gin deklarar nga dead on arrival.
Narekober sang mga kapulisan sa crime scene ang isa ka unit sang caliber 45 sub-machine pistol nga wala sang seriak number lakip na ang isa sini ka magazine nga may bala,tatlo ka mga baseo sang bala , isa ka unit sang magnum 357 nga revolver nga wala sang serial number kag may mga bala.
Samtang nakuha naman sa puluy-an sang subject ang 2 ka unit sang wala pa mahibaluan nga home made rifle nga wala man sang serial number, isa ka rifle grenade kag isa ka panid sang ISIS flag nga may duag itom.
Ginpadala naman ang isa ka unit ka riffle grenade nga narekober sa EOD office para sa Technical Description kag examination.
