KORONADAL CITY– Nagapadayon ang imbestigasyon sang PNP sa nagluntad nga pagpangluthang sa magbiyenan sa banwa sang Tupi, South Cotabato.
Ang mga biktima ang natumod nga sandau Brix Salcedo Majia, 23 anyos may asawa, mangunguma kag ugangan sini nga si Rasam Ngalong Akmad, 50, purok chairman sang lugar kag lunsay mga residente sang Sitio Dahal Brgy Palian Tupi.
Suno sa Tupi PNP, ginluthang ang mga biktima sang wala pa makilal-an nga ma suspek.
Nagwa man sa imbestigasyon na samtang nagapahuway si Rasam sa sulod sang ila puluy-an gulpi na lang ini nga nakabati sang asud-asod nga lupok sang armas sa gwa kag ulihi na nga natalupangdan sini nga may igo sia sa wala nga abaga.
Pilason man sa pagpangluthang ang iya umagad nga gilayon nga gindangat sa ospital.
Personal nga away naman ang ginalantaw nga motibo sang krimen.
