-- ADVERTISEMENT --
Nasapwan ang duha ka patay nga lawas sa Sitio Atao, Barangay Tulunan, Datu Anggal, Maguindanao del Sur sa aga sang Martes.
Suno sa Datu Anggal Midtimbang Municipal Police Station, ang duha ka bangkay nga nakita pareho nga lalaki kag may mga pilas ukon tama sang bala.
Naka-maong short, jersey, kag T-shirt ang ila mga bayo.
Suno sa mga residente, ginatudlo nga ginhaboy lang ang mga ini sang gab-i sang wala pa makilal-an nga mga suspetsado.
Sa karon padayon ang ginahimo nga imbestigasyon sang kampulisan sa likod kag motibo sang nasambit nga krimen.
