KORONADAL CITY – Nagapadayon ang imbestigasyon sang Surallah MPS sa nagluntad nga pag pagpaniro sa duha ka biktima sa indi matumod nga mga suspetsado subong nga adlaw sang Huwebes, Disyembre 4, 2025.
Ginkilala ang mga biktima nga sanday alyas “Ran,” 50 anyos, kasado, kag ang iya asawa nga Alias “Rose,” pareho negosyante kag residente sang nasambit nga lugar. Ginpaniro sila sang indi makilala nga suspek nga lalaki samtang nagasulod sila sa ila balay sakay sang black minivan.
Sandig sa imbestigasyon sang Surallah MPS, nakabaton sila sang isa ka tawag sa cellphone halin sa isa ka concerned citizen nga nagreport nga may nagluntad nga pagpaniro sa Purok Santa Ana, Brgy. Libertad, Surallah, South Cotabato.
Dayon nga nagresponde ang patrol team upod ang duty investigator kag pag abot sa lugar nakit-an si alyas “Ran” nga may pilas bangud sa igo sang bala sa iya wala nga dughan kag to-o nga abaga, samtang si Alias “Rose” nakaangkon sang pilas sang bala sa iya wala nga dughan.
Gindala ang mga biktima sa Javelosa Family Hospital para sa nagakaigo nga pagbulong, samtang ang mga suspek nagpalagyo sa indi matudlo nga direksiyon pagkatapos sang krimen.
