KORONADAL CITY – Nagapadayon ang imbestigasyon sang mga otoridad sa pagpangluthang-patay sa duha ka manugbantay sang “bibi” sa Sitio Batunan Brgy. Kulambog, Pikit, North Cotabato.
Ginkilala sang Pikit PNP, ang mga biktima nga sanday Norsid Kunting, 21-anyos, residente sang Brgy. Tapodoc kag Bryan Mangansakan Mulod, 25-anyos nga residente sang Sitio Midsambal Brgy. Paidupulangi sa nasambit man nga banwa.
Naguwa sa imbestigasyon sang mga otoridad nga nagabantay lamang sang mga hinuptan nila nga “bibi” ang mga biktima sang ginkadtuan sang suspek kag ginpangluthang.
Nag-angkon sang igo sang bala sa nagkalain-lain nga bahin sang ila lawas ang mga biktima nga gintunaan sang kamatayon sang mg aini.
Sa karon, ginahibalo pa sang kapulisan kun ano ang motibo sang krimen kag kun sin-o ang responsible sa pagpatay sa mga ini.
