Away sa pasahero ang nakita nga kabangdanan suno pa sang pagsapote sang duha ka lalaki sa isa ka persona sa atubang mismo sang Koronadal City Intergrated Public Terminal kahapon sang udto, Abril 1 2025.
Suno kay Chuna Clar – CSU sa Terminal sa interview sang Bombo Radyo Koronadal ginpahayag sini nga hinali na lamang suno pa ang nagabot ang duha ka mga pampasahero nga van sa atubang sang terminal sa diin hinali nga nagpanaug ang mga sakay sini kag nagtapungulay.
Ginpulihan sang isa ka driver kag kaupod sini nga conductor ang isa pa ka driver.
Bangud sa panghitabo, natumba ang naga isahanon nga driver nga nagsalo sang tapungol sang duha ka mga dalagkuan mga persona. Nakuha naman sang pila ka mga netizen ang panghitabo kag nag trending man online.
Suno naman sa mga nakakita away bangud sa pasahero ang ugat sang pisikalan nga butang sa magtimbang nga bahin.
Sa karun padayon naman ang imbestigasyon sang mga otoridad sa nasambit nga inaway.
