-- ADVERTISEMENT --

Nag dangat na sa 24 ka tawo ang na patay sa pagpamusil

Sa BARMM sang nag umpisa ang election period.

Ini ang naging pahayag ni Police Regional Office Bangsamoro Autonomous Region in Muslim Mindanao o PROBAR Regional Director Brig. General Romeo Macapaz.

Suno sa iya, bangod sini, duha ka kompanya sang PNP-Special Action Force o SAF ang italana nga I deploy sa Buluan, ang kapital snag Maguindanao del Sur kag Shariff Aguak, kung sa diin napagkit ang serye sang gun-related attacks sa duha ka sundanay nga simana.

Suno pa sa iya, ang isa ka kompanya sang SAF gina kabug-usan sang 70 ka personnel.

Gin pahayag man niya nga humalin enero 12 o humalin sang nag umpisa ang election period, yara na sa 29 nga mga kaso sang pagpamusil ang na dangat kung sa diin 24 ang patay sa nag kalain lain nga nga bahin sang rehiyon, lakip na ang Sulu nga yara sa idalum sang operation control sang PROBAR.

Suno pa sa opisyal naka pagkit man sang mag insidente sa mga lugar sang Maguindanao del sur 10, maguindanao del norte 6, lanao 5, basilan 4, cotabato 1, kag Sulu 3.

Una na gin pahayag ni PCOL. Jemuel Siason, Deputy Regional director sang PROBAR nga preparado na sa subong ang comprehensibo nga security measures sang PRO BARMM, AFP kag Commission on Elections (Comelec) agud nga panalipdan ang electoral process kag tumudon ang integridad sang 2025 elections.

Ginpasiguro naman sang AFP, PNP kag Comelec nga mangin safe kag orderly ang election sa May 2025 kag mangin man ang Bangsamoro Autonomous Region in Muslim Mindanao (BARMM) Parliamentary Elections. Ginpasiguro naman sang duha ka mga security sector nga inplaces ang ila nga ginalatag nga security measures labi na sa mga lugar nga yara sa idalom sang areas of immediate concerns.