KORONADAL CITY – Tigayon nga naarestar sang kapulisan sa ginpatigayon nga buy-bust operation ang duha ka mga drug suspect sa Prk. Pantua, Brgy. Zone III, Koronadal City, South Cotabato kahapon nga adlaw,October 10, 2024.
Suno kay PMaj. Rizza Hernaez, tigpamaba sang PNP Region 12, ginpatigayon ang operasyon sang City Police Drug Enforcement Unit sang Koronadal PNP, RID 12, SCPIU, SCPPDEU, Intel personnel sang KCPS kaupod ang PDEA 12 ang operasyon batuk sa mga siuspek nga ginkilala kanday alias “Jojo”, 25 years old, construction worker nga ginakabigStreet Level Individual (SLI) kag alias “Egol”, 42-anyos, fruit vendor kag lunsay mga residente sang siyudad sang Koronadal.
Nabakal sang pulis nga nagpakilala nga buyer sa mga suspek ang isa (1) piece heat-sealed transparent plastic sachet nga may unod nga white crystalline substance nga ginapatihan nga shabu.
Magluwas sini, nakumpiskar pa sa mga ini ang (3) heat-sealed transparent plastic sachet nga may kabug-aton nga 13 grams kag nagakantidad sang Php88,400.00.
Sa karon, napreso na ang mga ini kag natalana nga pasakaan sang nagakaigo nga kaso.
