KORONADAL CITY- Duha na ka bombero ang pilason sa nagapadayon nga wildfire sa Los Angeles, California.
Ini ang ginpahayag sa Bombo International Correspondent ni Pet Jabido nga residente sang Koronadal City kag kasamtangan nga nagatrabaho sa isa ka ospital sa San Francisco, California.
Magluwas suno pa sa duha nga bombero nga napilasan, may napagkit man nga patay matapos maaksidente sa pagdali nga nga makapalagyo sa madasig nga paglapta sang kalayo.
Sa subong nagapabilin suno pa nga red alert sa Western California banud madasig nga maglapta ang kalayo bangud sa mabaskog nga hangin.
Kahapon nagpadala suno pa sang bulig ang anom nga syudad sa Northern California agud mapunggan ang paglapta sang kalayo.
Kaangot sini, ginapapreparar naman suno pa ang pila ka mga residentae agud kun ipatigayon ang mandatory evacuation gilayon sila makahalin.
