KORONADAL CITY – Padayon ang pagpanghatag sang ayuda sang provincial government sang South Cotabato paagi sa Provincial Disaster Risk Reduction and Management Office (PDRRMO) ilabi na sa mga nangin apektado sang baha kag hangin tuga sang mabaskog nga pagbubo sang ulan.
Ini ang ginpasigurado ni Rolly Doane Aquino ang Provincial Disaster Risk Reduction and Management Officer sang South Cotabato sa interview sang Bombo Radyo Koronadal.
Dugang pa ni Aquino, sang nagligad nga inadlaw nangin apaektado sang baha ang mga banwa sang Sto. Nino kag Tupi.
Ang mga residente nga apektado sa nasambit nga mga lugar ang ginhatagan na sang bulig kasubong sang relief foods nagikan sa probinsya.
Sa karon, preparado naman ang ahensya sa posibilidad nga may mga maapektuhan pa sang kalamidad bangud sa padayon na nga pagbuhos sang ulan.
Kaangot sini, ginahingyo ni Aquino ang tanan nga mga barangay nga makig-angot sa ila talatapan sa tion nga nagakinahanglan sang bulig agud gilayon nga masabat.
Padayon man ang pahanumdom sini nga maghalong kag mangin vigilante sa tion nga magbuhos ang mabaskog nga ulan.
