KORONADAL CITY – Duha ka banwa sa probinsiya sang North Cotabato ang ginpaidalom sa red category o grave concern angot nagahilapit nga eleksiyon bangod suno pa sa intense political rivalry.
Ini ang ginpahayag ni Deputy Provincial Police Officer Police Lt Col Bernard Tayong sa interbyu sang Bombo Radyo Koronadal.
Suno kay Tayong, ang pipila ka mga barangay sa Pikit ang nalakip sa Bangsamoro Autonomous Region in Muslim Mindanao.
Apang pagatutukan sa gihapon ini sang Cotabato Provincial Police Office subong nga Election Campaign tubtob Election period.
Kaupod man sa ila nga hatagan sang ligwa ang mga lugar sa Banisilan.
Buot silingon sang red category, mas magataas ang requirement of security tungod sa presensya sang lain-lain nga mga grupo sa ila nga lugar kag may mga kinagamo nga panghilitabo ukon natabon nga mga pagbanta sa makaligad nga mga eleksyon.
Parte suno [a sa transition period tungod sila magaboto pa naman sa National Candidates kag sa subong may koordinasyon sa PNP- BARMM// Bilang preparasyon sa bagapalapit nga eleksyion, ginahimo na sa subong ang PNP sang pulong-pulong sa Barangay Officials na makabulig man sa ila nga kampanya.
Luwas sa pagbantay nga magapabilin nga matawhay ang panahon sang eleksyon, ginasiguro man sang mga otoridad nga ginasunod ang health protocols agud malikawan ang paglapta sang COVID-19.
Sa subong, isa ang nadakpan kag nakasuhan tungod sa election gun ban violation.
Madumduman nga sang tinalikdan nga eleksyon sa banwa sang Pikit, nakapagkit man ang pag agaw sang ballot boxes sang mga aramado nga mga grupo.
Samtang, natalana naman nga madugangan pa ang PNP personnel sa North Cotabato halin sa higher office sa subong nga tion sang eleksyon.
