KORONADAL CITY __ Tigayon nga nagpatunga ang mga otoridad sa Brgy. Talapas, Datu Montawal, Maguindanao agud masiguro ang kalinong sa nasambit nga lugar, kasunod sang nagluntad nga dyutay nga engkwentro sa tunga sang armado nga grupo kag sang MILF.
Ginpahayag sa interbyu sang Bombo Radyo Koronadal ni 6th Infantry Division Philippine Army kag Joint Task Force Central (JTCF)
spokesperson Lt. Col.Anhouvic Atilano, nagluntad ang nasambit nga engkwentro sa tunga sang grupo nanday Andy Montawal kaupod ang pila ka tinawo kag sang mga katapo ni Kumander Gafur Jamlud.
Gilayon nga nag-untat ang engkwentro sang nagresponde ang mga katapo sang 90th Infantry Battalion, Apang wala naman ginbakwit ang mga residente bangud tuman kalayo ang ginluntaran sang engkwentro..
Rido ukon away pamilya ang ginalantaw nga rason sang nasambit nga engkwentro, Nahibaloan nga wanted si Andy Montawal bangud sa mga kaso sang pagpangluthang kag iban pa nga mga krimen. Sa subong balik na sa normal ang sitwasyon sa Brgy. Talapas kasunod sang natabo
