KORONADAL CITY- Nakapagkit sang dugang nga 15 ka kaso sang HIV/AIDS sa sulod lamang sang 3 ka bulan humalin sa pag-umpisa sang bulan sang Enero tubtob subong nga bulan sang Marso 2017.
Ini ang ginpahayag ni HIV/AIDS Focal person John Arlo Codilla.
Kaanagot sini, padayon naman ang kampanya sang probinsya angut sa nasambit nga makamamatay nga balatian.
Kadam-an sa gihapon sang kaso sang HIV/AIDS sa probinsya sang South Cotabato amo ang mga lalaki nga nagapakighilawas sa ila kasubong nga lalaki.
Ginaawhag naman sang opisyal ang katawhan nga makigbahin sa ila ginapatigayon nga libre nga HIV testing agud mahibaluan kun ikaw ang carrier sang nasambit nga balatian bangud may yara man sang ginatanyag ang gobyerno nga libre nga treatment sa nasambit nga balatian.
