-- ADVERTISEMENT --
Nagpa-andam ang Department of Trade and Industry (DTI), sa publiko nga tsekyaron ang mga ginabakal nga Christmas light.
Ini ang ginpahayag ni Mr. Elbert Capecio, Senior Trade and Industry Development, DTI South Cotabato, sa interbyu sang Bombo Radyo Koronadal.
Nahibaluan, ginpaguha ang nasambit nga pahanumdum matapos matukiban sang DTI nga may pila ka mga negosyante nga ginapeke ang mga stickers kag logo sang ahensya, agud makabaligya sang mga Christmas light.
Suno sini nga kinahanglan nga lantawon sang intsakto ang mga logo subong man ang safety seal sang mga ginabakal.
Samtang, ginganyat naman sang DTI ang publiko nga gilayon ipahibalo sa ila ang sin-o man nga nagahimo sang kasubong sini nga buluhaton.
