Nagpahayag ang DTI-South Cotabato nga wala sang nagakaangay nga ikabalaka pag-abot naman sang pagsaka sang pipila ka mga Noche Buena items para sa palaabuton nga Holiday Season.
Sa interbyu sang Bomb Radyo Koronadal kay Mr. Elbert Capecio sang DTI South Cotabato, nagakaangay lamang nga magkinot bangud normla nga may yara sang pagsaka bangud naman sa inflation nga nabatyagan.
Kung madumduman, una na nga ginphayag nga nagsaka ang presyo sang masubra 150 ka mga Christmas products.
Basi sa Noche Buena Price Guide nga ginpagwa sang Department of Trade and Industry (DTI), 152 gikan sa 240 ka mga product lines ang nagsaka ang presyo ikumparar sa bili sini sang nagligad nga tuig.
Kalakip sa pinakaulihi nga price guide ang ham, fruit cocktail, cheese, keso de bola, mayonnaise, all-purpose cream, sandwich spread, pasta/spaghetti, spaghetti sauce, elbow macaroni, tomato sauce, kag salad macaroni.
Ginapanugyanan naman sang DTI ang mga konsumedor nga kilatison sang husto ang ginabakal, tsekyaron ang labels kag lantawon ang iban nga opsyon antis magbakal agud malikawan nga mabiktima sang peke nga items ukon makakita pa sang mga may diskwento.
