Ginklaro sang Department of Social Welfare and Development (DSWD) nga indi awtomatiko nga makabaton sang benepisyo ang tanan nga single parents sa idalom sang Republic Act No. 11861 ukon Expanded Solo Parents Welfare Act.
Suno kay Social Welfare Officer IV Jocelyn Vince Cruz, dapat ang aplikante ang may bug-os nga responsibilidad sa pagatipan kag pagsuporta sa ila ukon regular nga nga bulig halin sa anay asawa ukon bata ukon himata.
Sa datos sang DSWD, may masobra 260,000 rehistrado nga solo parents sa pungsod, samtang 291 LGUs ang nagahatag sang kada bulan nga subsidiya.
Nalakip sa mahimo kabigon nga solo parents ang legal guardians, adoptive kag foster parents, kag pila ka mga himata nga ginapanindugan ang responsibilidad sang ginakanan.
Lakip man sang batas ang dependents tubtob 22-anyos, nga wala sang bana ukon asawa, wala sang trabaho, kag naga-eskwela.
Kasamtangan naman nga ginasapinal sang DSWD ang unified ID system para sa solo parents, nga target mapatuman sa bug-os nga pungsod subong nga 2026.
