KORONADAL CITY – Patay ang isa ka drug suspect samtang duha ka pulis naman ang pilason sa ginpatigayon nga anti-drug operation sang mga otoridad sa Maguindanao.
Target sang gintingob nga pwers sang PDEA-BARMM kag local police force si Thong Maido, 44 anyos kag residente sang Barangay Lipao, Datu Paglas sang nasambit nga probinsya.
Ginasiling nga nagbato suno pa si Maido sa mga otoridad makaligad nga mga pulis ang iya ka-transaksyon.
Naigo sa nasambit nga operasyon sanday PO2 Winston Arellano kag PO1 Jeffrey Banzon makaligad nagpalupok ang suspek sa ila.
Gilayon nga gindala sa isa ka ospital sa Tulunan, North Cotabato ang duha ka pulis samtang gindeklarar naman nga dead on arrival si Maido sa Buluan District Hospital.
Narekober sa posisyon ni Maido ang kalibre 45 nga armas luthang, apat ka sachet sang ginapatihan nga shabu, marked money kag mga cellphone.
