KORONADAL CITY – Arestado ang isa ka drug suspect sa ginpatigayon nga operasyon sang mga otoridad sa Purok Pag Unlad, Brgy. Salabaca, Esperanza, Sultan Kudarat.
Ginkilala ni Police Major Alexander De Pedro, hepe sang Esperanza Municipal Police Station, ang naaresto nga suspek nga si alyas “Dingdong”, 27 anyos, soltero kag residente sang Purok Libertad, Poblacion, Sto. Nino, South Cotabato.
Naaresto ang suspek sang gintingob nga pwersa sang mga tinawo Esperanza MPS (Lead unit), SKPDEA, SKPDEU, 1202nd MC RMFB12, 1st SKPMFC kag 2nd SKPMFC sa bulig sang PDEA.
Nakuha sa posisyon sang suspek ang mga pakete sang ginapatihan nga shabu nga may kabug-usan nga 2 gramo kag may standard drug price nga Php13,600.00.
Ang arestado ang kasamtangan nga nakakustodiya sa sa Esperanza MPS para sa nagakaigo nga disposisyon.
Magapangatubang naman ini sang kaso nga paglapas sa seksyon 5 at 11 ng Article II R.A 9165 ukon Comprehensive Dangerous Drug Act of 2002.
