KORONADAL CITY – Patay ang isa ka drug suspect matapos nga mangagaw suno pa sang armas sa isa ka pulis tubtob matiruhan kag dalayon ginbawian sang kabuhi sa banwa sang Tupi, South Cotabato.
Ini ang ginpaklaro ni P/Major Rafael Banggay, chief of police sang Tupi Municipal Police Station may kaangtanan sa naarestar nga drug suspect nga si Dexter Licuanan, 43 anyos nga residente sang Barangay Kablon sa nasambit nga banwa.
Suno kay Major Banggay, nadakapan sang kapulisan si Licuanan nmatapos nga magreklamo si Atty. Micheal Abas, regional director sa Comelec 11 nga may nangawat sa iya nga resort sa nasambit man nga banwa.
Sa ginpatigayon nga imbestigasyon nakilala ang mga suspek nga sanday Licuanan upod ang mga indibidwal nga sanday Danilo De Gusman , 53 anyos , Helbert Saling, 29 anyos lunsay mga residente man sa Barangay Kablon sa amo nga banwa.
Samtang ginapatigayon ang booking, ang suspek nga si Licuanan ang nagpangagaw sang pusil rason nga tiruhan ini.
Gindugang pa ni Major Banggay nga gindala pa si Licuanan sa hospital apang gindeklarar na nga dead on arrival.
Nakuha man sa posisyon ni Licuanan kag Deguzman sa ginhimo nga body search ang duha ka sachet sang ginapatihan nga shabu.
Sa karon nagapabilin sa kustodiya sang kapulisan ang mga naaresto magluwas sa ginbawian sang kabuhi.
