Drug suspect, arestado sa operasyon sang kapulisan sa banwa sang Tantangan

KORONADAL CITY – Yara na sa kustodiya sang kapulisan ang isa ka drug suspect matapos nga madakpan sa ginpatigayon nga operasyon sang mga otoridad sa banwa sang Tantangan, South Cotabato.

Ginkilala ang suspek nga si alyas Arnold, yara sa legal nga edad kag residente sang Brgy. Cabuling, Tantangan, South Cotabato.

Nakuha sa posisyon sang suspek ang 11 ka pakete sang ginapatiha nga shabu.

Ginpatigayon ang operasyon sang gintingob nga pwersa sang SCPDEU, 1st SCPMFC kag SCPIU.

Natalana naman nga pasakaan sang kaso nga pagbayular sa Section 11 (Possession of Dangerous Drugs) kag 12 (Possession of Drug Paraphernalia) sa idalom sang Article II of Republic Act 9165 ukon Comprehensive Dangerous Drugs Act of 2002 ang naaresto nga suspek.