Kumpirmado nga patay ang driver sang riding-in-tandem sa isa ka COMELEC checkpoint sa Brgy. Namnama, Koronadal City, South Cotabato sang Enero 24, 2025 sang gab-i.
Ini ang ginkumpirma ni Police LtCol. Hoover Tapang Antonio, COP Koronadal City sa interbyu sang Bombo Radyo Koronadal.
Ginkilala ni Antonio ang mga suspek nga sanday alyas “Yan-yan” nga taga Brgy. Tamnag, Lutayan, Sultan Kudarat kag alyas “Mo-mo” nga taga Brgy. Mamali, Lutayan, Sultan Kudarat.
Suno kay Antonio, samtang nagaconduct sang operasyon ang otoridad sa bahin sang Brgy. Namnama, may yara sang riding-in-tandem nga wala sang plaka amo gina apprehend sang mga kapulisan apang, hindi suno pa magpa apprehend ang mga ini amo nga gin umpisahan man sang komosyon kag nangin rason nga naigo ini sang armas-luthang ang driver sang motorsiklo.
Narekober sa motor sini ang pipila ka mga pakete sang ginapatihan nga shabu kag ginaalegar man nga motornap ang motorisklo nga gamit sini bangud wala sang mga dokumento kag wala sang plate number ini.
Gindala naman sa malapit nga balay bulolngan si Yanyan agud mahatagan sang tama nga medical attention apang gindeklarar ini nga dead on arrival.
Samtang, padayon naman ang imbestigasyon sang otoridad kung ano ang pagaatubangon nga kaso sa paglapas sang mga suspetsado.
Nagapanawagan man si Antonio kag ang ila ahensya nga magsunod sa laye kag padayon man ang ila ahensya sa mga operasyon kag serbisyo para sa ikalinong sang bug-os nga siyudad sang Koronadal.
Samtang, ginpyestahan naman sang nagkalainlain nga reaksyon sang mga pamilya sang suspek ang interview video sang bombo radyo koronadal nga wala ini nagapati sa alegasyon sang kapulisan nga nakigbato ang suspek.
