KORONADAL CITY- Arestado sa ginkasa nga anti-illegal drugs operation sang PDEA-12 sa pagpanguna ni PDEA Regional Director Gil Cesario ang 4 ka drug personalities nga ginapatihan nga nagapadalagan sang drug den sa Biaca Subdivision sa Brgy. Poblacion sa syudad sang Tacurong, Sultan Kudarat.
Ginkilala ang mga suspek nga sanday Norodin Pamasang 33 anyos, driver kag residente sang nasambit nga syudad, Abubakar Cinente 25 anyos mangunguma kag residente sang Brgy. Ambalgan Sto. Niño South Cotabato, Nike Andrada 25 anyos isa ka mekaniko kag residente sang Pres. Quirino Sultan Kudarat kag Jay-R Zamora nga residente sang Brgy. Libertad Surallah South Cotabato.
Nakumpiskar sa posisyon sang mga suspek ang 15 pakete sang shabu nga may balor nga indi maganubo sa P100,000 kag mga drug paraphernalias.
Sa subong nakahanda na ang kaso nga igasang-at sa mga suspek sa paglapas sa RA 9165 ukon Comprehensive Dangerous drugs act of 2002.
