KORONADAL CITY– Nagapati ang Saudi government nga target sang mga yara sa likod sang asud-asod nga drone attack sa ila oil facilities amuh ang pagpanabotahe sa ila ekonomiya.
Base kay Bombo Correspondent Boyet Forro, apisar gin ako na sang Houthi rebels ang nasambit nga pagsigabong, nagapadayopn sa gihapon ang imbestigasyon sang mga otoridad kun sa diin ginpahayag nga indi lamang pagpasigabong sa state-owned Saudi Aramco oil facilities ag tinutuyo sang mga yara sa likod sini apang mangin man ang pagpang espiya sa nasambit nga pasilidad.
Nahibaluan nga gintarget ang Aramco bangud isa ini sa pinakadako nga producer sang langis sa bug-os nga kalibutan kun sa diin yara sa 5.7 million barrels ang ginaproduce nga langis kada adlaw nga nagapapagsik sang ekonomiya sang Saudi.
Talalupangdon man suno pa ang hitech nga pamaagi sa pagpang atake sa Aramco kun sa diin 10 ka drones ang ginpalupad kag ginpasigabong.
Luwas sa Houthi rebels, ginatudlo man sang US ang Iran nga yara sa likod sang pagpasigabong nga hugot nga ginpabulaanan sang Iran.
Nahibaluan nga ang US ang kilala nga kaalyado sang Saudi government kag isa sa mga nagasuporta sa Saudi led coalition nga padayon nga nagapakigbato sa mga Houthis bilang suporta sa gobyerno sang Yemen samtang padayon naman ang tensyon sa tunga sang US kag Iran makaligad ang pagbasura sang Washington sa 2015 Multinational deal angot sa nuclear programme sang Iran.
