-- ADVERTISEMENT --
Naaresto ang isa ka driver matapos magpatigayon sang drug entrapment operation ang mga otoridad sa Prk. Tinio, Brgy. Poblacion, Polomolok, South Cotabato.
Ginkilala ang suspek nga si alyas “Kentoy”, 35-anyos, may asawa, isa ka van driver, residente sang nasambit nga lugar kag isa ka street level individual.
Suno sa report sang Polomolok Municipal Police Station, nangin madinalag-on ang operasyon sang gintingob pwersa sang Polomolok MPS, SCPDEU, SCPIU, 1st kag 2nd SCPMFC.
Nakumpiska sa suspek ang duha ka (2) plastic sachet sang ginapatihan nga shabu kag isa ka Php1,000 bill bilang buy-bust money.
Ang madinalag-on nga operasyon ang nagapakita sang dako nga suporta sa bag-o nga programa sa kampanya kontra droga sa pungsod.
