KORONADAL CITY – Patay ang isa ka driver matapos nga mabunggo ang sa puno sang santol ang ginamaneho nga salakyan sa National Highway,Prk. 1 Sto. Rosario, Brgy. Glamang, Polomolok, South Cotabato.
Ginkilala ang biktima nga si Eduardo Trinidad Jr., 33 anyos, residente sang Barangay Poblacion, Alabel, Sarangani Province.
Suno kay PLt. Col. Peter Pinalgan Jr. Pinalgan, hepe sang Polomolok PNP, sakay ang biktima sang nagaduag gray nga Mitsubishi Mirage kag padulong sa banwa sang Polomolok sang nadulaan sang kontrol kag nabunggo sa dako nga puno sang santol.
Bangud sa kabaskog sang impact, nawasak ang hood sang sasakyan sini kag nawasak ang atubangan nga bahin.
Naguwa sa imbestigasyon nga wala na sang kabuhi ang driver sang ginpadulungan ini sang responding team pasado alas 8:00 kaina sang aga.
Nagapati naman ang opisyal nga natulugan ang biktima rason nga nabunggo ini.
Sa karon, nagapanawagan ang mga otoridad sa tanan nga mga motorista nga maghalong kag siguruhon nga yara sa maayo nga kondisyon kun nagamaneho sang salakyan.
