KORONADAL CITY – Nagapadayon ang imbestigasyon sang Isulan PNP kaangot sa pagbunggoanay sang multicab kag bonggo sa bahin sang Brgy. Impao nga ginkamatay sang isa ka tawo kag ginkapilas sang 20 ka pasahero.
Sa impormasyon nga nakuha sang Bombo Radyo Koronadal, ginkilala ang napatay nga biktima nga si Ronald Lanuevo, driver sang multicab kag residente sang Purok Ilang-ilang, Barangay Tina, Tacurong City.
Base sa inisyal nga imbestigasyon, ginamaneho sang multicab ang kalabaon sang national highway sang mabunggoan sini ang kasugata nga bonggo.
Gindangat naman sa nagkalain-lain nga mga ospital ang mga pasahero samtang ang iban naman ang gindeklarar nga outpatient na.
Sa subong yara na sa kustodiya sang Isulan Police Traffic Management Unit ang duha ka salakyan kag ang driver sang bonggo.
