KORONADAL CITY – Ginkumpirmar sang Sto Nino PNP nga ginpasakaan man sang kaso sang pamilya Matinong ang kaupod sang gunman nga nagluthang-patay kay Mayor Pablo Matinong Jr.
Suno kay Sto. Nino PNP chief of police Capt. Ian Bagot sa interbyu sang Bombo Radyo Koronadal, ginlakip sang biyuda ni Mayor Matinong ang driver sang motorsiklo sa mga ginkasuhan sini.
Apesar wala pa nila nahibaloan ang identity sini, magluwas sa gunman nga una na nga natumod ang pangalan base sa panaysayon sang mga testigo.
Gin-ako man sini nga isa ka hangkat sa ila ang pagtumod sa pangalan sang nasambit nga driver apang positibo sila nga mahimo nila ini sa mas ginpahugot pa nila nga imbestigasyon.
Samtang, bantay-sarado naman ang ginapatuman nga seguridad kay Mayor Sulpicio Villalobos makaligad nakalab-ot sa ila talatapan ang report nga pagpamangkot suno pa sang pila ka mga suspetsado nga mga indibidwal kun diin suno pa nakapuyo ang nasambit nga alkalde.
