Padayon nga ginapangita sang mga otoridad ang isa ka drayber matapos nga makapalagyo sa ginpatigayon nga operasyon sang mga otoridad apang nakuhaan naman sang mga ilegal nga armas kag droga ang puluy-an sini sa ginpatigayon nga search warrant operation sa Purok Lugan 3, Brgy Poblacion, Tboli South Cotabato.
Ginkilala ang suspek nga si alyas “Dodong”, yara sa husto nga edad kag residente sang nasambit nga lugar.
Suno sa Tboli Municipal Police Station, samtang nagapalapit, nakita sang suspek ang presensya sang kapulisan kag hinali ini nga nagdalagan sa likod nga bahin sang ila panimalay kag nagapalagyo sang operating team.
Nakuha sa panimalay sang suspek ang isa ka unit sang cal. 45 pistol nga may unod nga magazine kag duha ka bala, limang ka plastic sachet sang ginapatihan nga shabu nga may kabug-aton nga apat ka gramo nga may standard drug price nga Php27, 200.00
Magapangatubang naman ang suspek sang kaso nga paglabag sa RA10591 ukon Comprehensive Firearms and Ammunition Regulation Act kag kaso may kaangtanan sa illegal nga droga
