KORONADAL CITY – Mas ginpasangkad pa sa subong sang Isulan PNP ang mga ginahimo sini nga tikang agud nga madakpan ang mga kabataan nga nagapartisipar kag nagapatigayon sang illegal nga drag racing sang banwa sang Isulan, Sultan Kudarat.
Ini ang ginhatagan sang ligwa ni PLt.Col Julius Malcontento, hepe sang Isulan PNP sa interview sang Bombo Radyo Koronadal.
Suno kay Malcontento, nakig-angot na sila sa iban pa nga mga government offices kag concerned agencies agud nga ipatuman ang mas hugot nga monitoring batok sa drag racing.
Ginpahayag man sini nga nakighinun-anon na sa kapulisan ang alkalde sang banwa nga si Mayor Bai Rihan Mangudadatu Sakaluran angot sa nasambit nga problema sa dalanon.
Kaangot sini, madamo naman sang mga nagkaladakpan nga mga menor de edad sa ila nga banwa nga nagapadalagan sang motorsiklo nga indi kumpleto ang papeles sa diin ara sa kasamtangan sa impounding section sang Isulan PNP Traffic section ang mga motorsiklo sang mga ini.
Madumduman nga nangin mainit nga topiko sang ila nga banwa sang serye sang drag makaligad nga nadisgrasya ang pila ka mga kabataan sa kalabaon sang National Highway ,Isulan, Sultan Kudarat makaligad nga nagkarera ang mga ini
