KORONADAL CITY- Emosyonal nga ginpahayag ni South Cotabato Provincial Hospital Chief of Hospital Conrado Braña nga boluntaryo ini nga nagtindog bilang guardians sang pila ka mga menor de edad nga kalakip sa 34 ka mga biktima sang family outing tragedy sa Brgy. Lamsalome Tboli South Cotabato nga gindangat sa South Cotabato Provincial Hospital agud gilayon madapatan sang pagbulong.
Nahibaluan nga antes i-admit sa balay bululngan ang mga pasyente ilabi na ang mga menor de edad kinahanglan sang parents consent ang mga ini agud mapaidalom sa operasyon ukon anuman nga pagbulong apang sa kasubo nagkalamatay ang mga ginhikanan sang mga menor de edad rason nga siya na lamang ang nagpirma para sa mga ini.
Samtang sa pihak nga bahin, nakatalana naman nga dal-on sa syudad sang Davao City ang driver sang forward truck nga si Rodel Rabara bangud comatose ini samtang brain dead naman ang bata nga lalaki nga si Randave Ayupan nga naga-isahanon nga survivor sa ila man nga pamilya.
Madumduman nga 20 ang dead on the spot,14 ang pilason sa pagkahulog sang forward truck sa pil-as sa Brgy. Lamsalome, Tboli SoCot makaligad ang family outing sa General Santos City.
