Gin appoint bilang bag o nga sekretaryo sang Department of Public Works and Highways (DPWH) si Department of Transportation (DOTr) Secretary Vince Dizon matapos naghalin sa iya katungdanan si DPWH Secretary Manuel Bonoan.
Sa sini nga bag-o nga pag appoint may handum nga mas mapabaskug kag matutukan ang mga isyu nga nagapalibot subong sa ahensya, ilabi na ang ginapangatubang nga anomalya sa mga flood-control projects, kun sa diin ginmanduan si Dizon nga siguruhon nga ang pondo ginagamit sang husto para sa pagtukod sang mga imprastraktura nga mapuslan sang publiko.
Siguruhon man nga sa idalom sang liderato ni Dizon, mas mapaayo kag mapasangkad pa ang modernisasyon sang sektor sang transportasyon kag masuportahan ang mga prayoridad para sa kaluwasan sang mga komyuter kag mas maayo nga pagpatuman sang mga proyekto.
