DOTr magapangayo sang P2-B para mapadayon ang aktibo nga mga proyekto sa transportasyon

Nagapangabay ang Department of Transportation (DOTr) sang tubtob P2 bilyon sa masunod nga tuig para mapadayon ang mga aktibo nga proyekto sa transportasyon kag makaangkon sang malawig nga bike lanes. Suno kay Transportation Undersecretary Mark Steven Pastor nga magapangayo sila sa Kongreso sang nasambit nga balor para sa 2026 National Expenditure Program. Una na nga nagapangayo ang aktibo nga sektor sang transportasyon sang P69.38-M. Nagapati ang opisyal nga maaprubahan ini sang mga mambabatas. Madamo nga bike lanes ang plano sang DOTr nga tukuron kag butangan sang end-of-trip facilities pareho sang shower areas nga makabulig sa mga empleyado nga magbisikleta padulong sa ila trabaho.