Koronadal City – Sayang apang suportado sa gihapon ang gin-implementar nga Martial Law sa Mindanao.
Ini ang nangin pahayag ni DOT-12 Regional Director Nelly Nita Dillera sa nangin pahayag sini sa Bombo Radyo Koronadal kadungan sa kumpirmasyon sa pagkanselar sang mga organizers saang Sarangani Festival (Sarbay Fest) 2017.
Suno sa opisyal, kada tuig isa ang Saranggani sa naga-butong sang madamo nga tourist arrival nga naga-lab.ot sa 120,000 sa panahon lamang sang Sarbay apang mas maayo man suno ang nagin desisyon sang mga organizers nga iga-kanselar ini sa subong nga tuig bangod mapaseguro man ang seguridad sang katawhan.
Kaangot sini, ginkumpirmar man ni Dillera nga nakabaton sila sang mando gikan sa ila Head Office nga limitado na ang movement sa iban pa ka mga tourist destination sa Rehiyon 12 samtang may mga turista na suno pa nga nag-inquire sa ila nga talatapan angot sa seguridad sa mga tourist spot nga uyon kuntani nila nga padulungan.
