TANTANGAN, SOUTH COTABATO – Isa ang napatay sa nagluntad nga pagpang ambush sa salakyan sang ginakabig nga nagapanguna nga testigo sa Maguindanao Masacre Trial pasado alas 10 sang aga sa purok maligaya barangay bukay pait Tantangan, South Cotabato.
Ini ang ginkumpirmar ni Police Col. Jemuel siason Provincial Director sang South Cotabato sa eksklusibo nga interbyu sang Bombo Radyo Koronadal.
Ginkilala ni Siason ang napatay nga si Richard Escovilla, DOJ personnel kag detailled driver ni Mohammed Sangki nga key Withness sa Maguindanao Massacre.
Suno kay Siason, dead on Arrival na si Escovilla sang gindangat sa balay bulul-ngan.
Wala naman naigo sang bala si Sangki kag ang body guard sini apang nagapabilin subong sa balay bululngan agod masiguro ang kaluwasan sang mga ini matapos nga mapilasan man tuga sang impact sang pagkabunggo sang ila salakyan.
Nagapangasubo man si Atty. Nena Santos nga salakyan ni Sangki ang gin-ambushed subong nga aga.
Halin sa siyudad sang Tacurong ang mga ini pakadto sa General santos Airport pabalik kon tani sa Metro Manila.
