Nagpahinumdom ang Department of Justice (DOJ) sa mga dayuhan nga padayon nga nagaubra sa Philippine Offshore Gaming Operations (POGO) companies nga magsungka na sa mga otoridad kung indi gusto sang mga ini nga mabutang sa mga listahan sang blacklisted sang Bureau of Immigration (BI).
Base sa datos sang BI, may ara pa sang indi magnubo sa 11,000 nga mga chinese nationals ang padayon nga ginpangita sang mga otoridad bangod sa wala pagtambong sa naging deadline sang ahesnya sa dapat nga paghalin sang mga ini sang Disyembre 31 sang naglabay nga tuig.
Kabilang ang mga ini sa ginwarningan sang DOJ bangod man sa wala nila nga downgrade ang ila nga mga visa kag nagpabilin sa pungsod matapos ang expiration sang mga visa nila.
Suno kay Justice Secretary Jesus Crispin Remulla, ang mga tikang nga ini sang DOJ ang parte sang nagin mandu ni President Ferdinand Marcos Jr. nga ‘total ban’ sa mga operasyon sang POGO sa pungsod.
Samtang, padayon man ang manhunt operation sang BI sa mga ini nga sa karon ginakabig na sang DOJ nga mga ‘illegal aliens’.
