Kumpyansa ang Department of Justice nga mabalik na sa Pilipinas si anay Negros Oriental 3rd District Rep. Arnolfo Teves Jr. gikan sa Timor Leste.
Suno kay DOJ spokesperson Mico Clavano, ini agud maatubang sang anay mamalidha ang patong-patong nga kaso nga ginpasaka batok sa iya nga may kaangtanan sa pagpatay kay Negros Oriental Governor Roel Degamo.
Pahayag pa sang opisyal nga ang mga kinanglan nga requirements para masiguro ang kadalag-an sa extradition case ang gin-file sa sulod sang 40-day deadline.
Ang kampo naman ni Teves ang may 30 days nga deadline para mag-file sang Motion for Reconsideration sa Extradition Request batok sa iya.
Si Teves ang ginatudlo nga utak sa pagpatay kay Degamo kag sa siyam ka iban pa nga indibidwal sadtong Marso 2023.
Ginsigurado naman sang DOJ nga ang political asylum request ni Teves sa Timor Leste ang indi maka-apekto sa iya extradition case.
