Ginpahayag sang Department of Justice (DOJ) nga indi awtomatiko nga kakason sa resolusyon sang prosekusyon ang mga ‘state witnesses’ sa reklamo may kaangtanan sa flood control.
Suno kay Justice Spokesperson Atty. Polo Martinez, apisar ‘discharged’ na bilang state witnesses ang pila sa ila, igalakip gihapon sa partisipasyon sa resolusyon kag pagadiskusyunan ang alegasyon sang ‘conspiracy’ kaangot sa kaso.
Ang pahayag may kaangtanan sa reklamo nga ‘plunder’ nga gina-atubang ni Bong Revilla.
Ginkwestyon sang kampo ni Revilla ang indi pagsummiter sang counter-affidavit sanday former Department of Public Works and Highways Undersecretary Roberto Bernardo, Henry Alcantara, kag Gerard Opulencia, bangud na ‘discharged’ na sila bilang state witnesses.
Suno kay Martinez, mapresentar sa gihapon sa resolusyon sang prosekusyon ang mga alegasyon, apisar wala sang counter-affidavit kag manifestasyon ang mga respondents, agud masiguro ang kompleto nga pagtalakay sa kaso.
