Ginkumpirma sang Department of Justice nga ‘submitted for resolution’ na ang malversation case batok kay former Sen. Bong Revilla Jr.
Suno kay Atty. Polo Martinez, tagapagsalita sang DOJ, ginahimo pa sang prosekusyon ang masusi nga imbestigasyon sa reklamo.
Bangud sini, posible nga igapasang-at ini bilang kaso ukon ibasura.
May kaangtanan ang nasambit nga reklamo sa maanomalya nga proyekto sa SYMS Construction Trading.
Ini kabahin sa una nga batch sang lima ka kaso nga ginpasang-at sa Department of Justice, tatlo sa mga ini ang ‘pending for release’ pa, samtang ang malversation case ni Revilla ‘pending review.’
Samtang, wala pa siguro nga petsa kun san-o magaguwa ang resolusyon, apang suno kay Atty. Martinez, ang target timeline amo ang 60 ka adlaw halin sang napasang-at ang reklamo.
Kasamtangan nga nakadetine sa New Quezon City Jail si Revira kag nagaatubang sang mga kaso nga ‘malversation’ kag ‘plunder’ may kaangtanan sa korapsyon sa flood control.
