DOH, nakapagkit sang pagnubo sang firecracker-related injuries nga yara sa 57 cases

Nakapagkit ang Department of Health (DOH) sang pagnubo sang mga kaso sang firecracker-related injuries sa bug-os nga pungsod sukot sang holiday period.

Base sa datos sang DOH, halin Disyembre 21 tubtob 26, 57 ka kaso ang naitala, 48% mas manubo kumpara sa kasubong nga tion sang nagligad nga tuig.

Pinakamadamo sa mga biktima amo ang mga lalaki nga kabataan sa edad 10 tubtob 14 anyos, nga napilasan bangud sa pag-usar sang 5-star, kwitis, Boga, kag Triangle nga sahi sang palupok.

Bangud sini, nagpaalinton ang DOH nga maglantaw sang fireworks sa designated areas lamang kag likawan ang pag-usar sang bisan ano nga klase sang palupok, lakip na ang pagkuha sang mga palupok nga wala naglupok, agud malikawan ang aksidente.