Nagapati ang Department of Health nga may epekto ang climate change sa masdasig nga pagsaka sang kaso sang dengue subong nga tuig.
Suno kay DOH spokesperson kag Asec. Albert Domingo, nag-umpisa sang mas temprano ang tag-ulan sa pungsod tungod sang mga weather patterns pareho sang shearline, ITCZ, kag easterlies nga kasagaran natabo kada Hunyo kag Hulyo.
Nahibal-an nga pila ka lugar sa Metro Manila ang nagdeklarar sang dengue outbreak sa mga nagligad nga semana, apang nagagamay na ini sa karon nga semana.
Suno man sa DOH nga mas nubo ang mortality rate sang balatian subong 2025, nga ara lang sa 0.36% kumpara sa 0.43% sa pareho nga panahon sang 2024. Gani, sa kada 1,000 ka pasyente, tatlo tubtob apat lang ang naga-kapatay.
Kadungan sini nagpahinumdom liwat ang ahensya nga indi magpakampante ang publiko, kay posible nga magsaka liwat ang kaso sang dengue kung indi ipadayon ang palimyo kag iban pa nga mga pag-halong.
Ginapaandaman man ang publiko nga magpakonsulta sa doktor kung may mga sintomas sang dengue agud malikawan ang nasambit nga balaitan.bom
