Nagpaandam ang Department of Health (DOH) sa publiko nga ihanda na ang mga emrgency go bag kon kinahanglanon mag mag evacuate bangud sa posibilidad sang tsunami matapos ang mabaskog nga magnitude 7.4 nga linog nga natabo sa Davao Oriental .
Suno sa ahensya, ang mga kinahanglanon nga sulod sang Go Bag para sa madinalag-on kag madasig nga evacuation amo ang pagkaon pareho sang tubig, snacks, utensils kag canned goods.
Importante man nga ibutang sa Go Bag ang first aid kit, pareho sang alcohol, band aid, povidone-iodine, pamahid para sa samad, paracetamol, mefenamic acid, kag ang mga maintenance nga bulong.
Lakip man sa mga kinahanglanon ang toiletries pareho sang extra face masks, toothbrush, sanitary pads, hand sanitizer, insect repellent, toothpaste, tissue, shampoo, kag sabon.
Ginapahibalo man sang DOH sa publiko nga kon may emergency, dapat magpanawag gilayon sa hotline nga 911 ukon sa DOH hotline 1555 kag pinduton ang numero 3.
