DOH medical team, ginpakigbahin ang ila na eksperyensyaran sa nangin medical mission sa mga apektado sang linog sa Myanmar

Ginpakigbahin sang Department of Health medical team ang ila na eksperyensyaran sa paghatag sang emergency Medical Assistance sa mga naapektuhan sangg magnitude 7.7 nga linog sa myanmar.

Suno kay Dr. Ivy Lozada, isa sa team leader sang DOH Philippines Emergency Medical Assistance team (PEMAT), may mga problema sila nga gin kaatubang labi na sa komunikasyon kag mainit nga temperatura. Apang, boluntaryo man ang pipila ka mga Pilipino kag mga maestra nga mangin intepreters.

Samtang, sa pagbalik sang medical team sa pungsod, ginkilala ni Health Sec. Ted Herbosa ang kamaayuhan, kaisog kag sakripisyo sang PEMAT sa ila paghatag sang bulig sa masobra 1000 ka pasyente sa myanmar.