Naglunsyar ang Department of Health (DOH) kag Department of Migrant Workers (DMW) sang reintegration program para sa mga nagapauli nga Overseas Filipino Workers nga nurses kag health workers sa Pilipinas.
Ang “Sa Pinas Ikaw ang Nurse ng Bayan” (SPIB), tinutuyo nga mapahapos ang pagpangita sa obra sang mga nurses kag health workers sa health sektor sa pungsod.
Magluwas sa pag-establisar sang evaluation kag monitoring system para sa mga policymakers, magahatag man ini sang psychosocial support sa “transition stage” sang mga OFWs.
Suno kay DMW Assistant Secretary Francis de Guzman, 312 ka mga OFWs halin sa Middle East nga apektado sang giyera ang una nga nagparehistro sa programa.
Sa datos sang DMW, yara sa 60% tubtob 70% sang OFWs halin sa Middle East ang nagdesisyon magpauli sa Pilipinas para sa ila seguridad.
Ang SPIB program nagahatag man sang libre nga serbisyo medikal pareho sang hypertension kag diabetes screening, TB testing, cancer screening, kag bakuna para sa mga OFWs kag ila kabata.
