Ginpabaskug sang Department of Health (DOH) ang madason nga panginahanglan sang preventive care sa pungsod.
Suno kay DOH spokesperson Assistant Secretary Albert Domingo, ang pagsobra sang kapasidad sang mga balay bululngan nagagikan sa kakulangan kag kabudlayan sa primary care.
Ginpahayag ni Domingo nga kung wala sang igo nga mga gamay nga clinics kag balay bululngan, indi malikawan nga ang mga pasyente magpadulong sa mga apex nga balay bululngan pareho sang Philippine General Hospital (PGH), rason sang pagdas-okanay sang mga apsyente.
Agud matapna ang pagsobra sang kapasidad sang PGH, ginapahayag ni Domingo nga ang DOH nagdestino sang 21 ka accredited nga balay bululngan sa Metro Manila nga maka-accommodate sang mga pasyente sa masunod nga mga adlaw.
Ginpabaskug man sang opisyal nga ang pagpabakod sang preventive care nagakinahanglan sang “whole-of-government and society” nga pamaagi, nga nagahimo sini nga isa ka pakigbulig nga responsibilidad sang gobyerno kag sang mga pumuluyo.
