Naghatag sang pila ka bag-o nga update kagaina sang aga si Department of Energy Secretary Sharon Garin matapos siya mismo ang personal nga nagbisita sa Probinsya sang Cebu para sa ground assessment sa Bogo City, may kaangtanan sa natabo nga magnitude 6.9 nga linog sa siyudad.
Ginpahayag ni Garin nga bisan indi pa sila makahatag sang pinal nga iskedyul, target sang ahensya nga mabalik ang suplay sang kuryente sa mga banwa sulod sang isa ka semana, depende sa resulta sang assessment sang Department of Public Works and Highways (DPWH) sa mga imprastrukturang nadanyos.Ginaprioridad man sang departamento ang integridad kag kaluwasan sang mga building antes nila pag-energize liwat ang mga siyudad, agud masiguro ang pagbalik sang power supply sa rehiyon.
