Mangayo na sang bulig ang Pilipinas sa mga kaingud nga pungsod sa Asya para magbulig sa disaster kag relief efforts kasunod sang paglaslas sang Bagyo nga Kristine.
Suno kay Defense Secretary Gilberto Teodoro natalana nga kaig-angut ang Department of National Defense (DND) sa ila nga mga international counterparts partikular ang mga ASEAN countries para magpangayo sang bulig inkaso kinahanglan sang mga dugang nga resources para sa search, rescue kag relief operation.
Ginpahayag ni Teodoro nga ila ginalauman ang worst case scenario bangud posible dako ang halit nga ibilin sang bagyo.
Partikular nga gintumod ni Teodoro ang kaingod nga pungsod nga Singapore, Malaysia, Indonesia kag Brunei nga amo ang palapitan sang Pilipinas para pangayuan sang bulig.
Ginklaro naman ni Teodoro nga sa karon wala pa nag-request ang gobyerno sa iban nga pungsod bangud ila pa nga gina-maximized ang tanan nga resources kag kaya pa nga mahatagan sang nagkalain lain nga mga ahensya ang ila nga ginahimo nga disaster response effort.
