Gin-endorso na sang ahensya ang mga dokumento sang Pinay OFW nga nagpangayo sang bulig agud makapauli bangud sa travel ban sini sa Saudi.
Ini ang nangin pahayag ni Jeanette E. Escaño – OIC Assistant Regional Director, Department of Migrant Workers Region 12 sa interview sang Bombo Radyo Koronadal.
Suno kay Escaño, matapos ang pagtipon sang mga dokumento sang Pinay OFW, gilayon nila ini nga ginsumiter sa Overseas Response and Coordination Command Center agud mahatagan sang gilayon nga aksiyon ang kaso sang nasambit nga OFW.
Ginpahayag man niya nga gilayon nga gireport sang ORCC center ang kaso sa Department Migrant Workers office sa Saudi Arabia para sa madasig nga aksiyon.
Sa pihak nga bahin, padayon man ang panawagan sang ahensya sa publiko nga mangin vigilante batok sa mga fixer nga ngapakuno kuno sa pagproseso sang mga ila dokumento kag nagapakilala nga empleyado sang DMW Region 12 kag nagpaalinton nga gilayon nga makig-angot sa ila talatapan mismo agud mahatagan sang madasig nga aksiyon ang ila mga concern.
