Ginpasiguro sang bag-o nga tiglikom sang Department of Public Works and Highways nga igapaidalom sa review ang tanan nga proyekto lakip na ang mga flagship nga infrastructure projects sang administrasyon Marcos.
Suno kay DPWH Sec. Vince Dizon, kinahanglan ini nga himuon agud masiguro ang husto nga implementasyon sang mga proyekto.
Apang, suno kay Dizon, ang una nga repasuhon amo ang mga flood control projects nga nagahatag sang pasakit sa publiko.
Nakahibalo ang tiglikom sa kabudlayan nga ma-eksperyensyahan sang mga tawo kada mag-ulan bangod sang pagbaha, lakip na ang pagka-stranded sang mga motorista kag mga commuter.
Sa pamangkot naman nga kon kasali pa gihapon sa imbestigahan ang nagbuya sa posisyon nga si anay DPWH Sec. Manuel Bonoan, ang nangin pahayag ni Dizon tanan nga mga isyu ginpaimbestigahan sang Presidente sa independent commission.
